जळगाव : जळगावचे खासदार ए. टी. (नाना) पाटील यांनी १२ जुलै रोजी पश्चिम रेल्वेचे महाप्रबंधक श्री. गुप्ता, तसेच पश्चिम मंडल व्यवस्थापक मुकुल जैन यांची अंमळनेर येथे भेट घेतली. पश्चिम रेल्वेच्या जळगाव ते गुजरातमधील उधना स्थानकादरम्यान लोहमार्गांचे परीक्षण सुरू आहे. या वेळी खासदार पाटील यांनी त्यांची भेट घेऊन अंमळनेर व धरणगाव स्थानकांबद्दलच्या समस्या मांडल्या.
तालुका अध्यक्ष हरचंद लांडगे, माजी नगराध्यक्ष सुभाष चौधरी, जिल्हा परिषदेचे माजी सदस्य अॅड. व्ही. आर. पाटील, रेल्वे स्टेशन कमिटी सदस्य बजरंग अग्रवाल, श्री. बग्गा, शरद सोनवणे, लालू सैनानी, श्री. जुलाल या भेटीदरम्यान खासदार पाटील यांच्यासोबत होते.
